Майкл Пейж: "Ҳа, зерикарли жангчиман"

UFC статистикаси маълумотларига кўра, Пейж Нурсултонга қарши кечган уч раундлик жанг давомида бор-йўғи 28 та зарба йўллаган, улардан 12 таси нишонга теккан. Аввалги жангида у 29 та зарба берганди ва ўшанда UFC раҳбари Дана Уайт уни зерикарли чиқиши учун танқид қилган эди.

"Мени зерикарли жангчи дейишяпти. Ҳа, шундайман, лекин шу ҳолатда ҳам аниқ ҳаракатларим эвазига ғалаба қозоняпман. Мен UFC вакиллари билан ўтириб, улар билан очиқ гаплашиб оламан, — деди Пейж. — Уларга шундай дейман: “Эшитинглар, мен ундан ҳам яхшироқ жанг қила олишимни тушуниб турибман. Ва мен яхшироқ бўлишни хоҳлайман. Менга кучлироқ рақиблар беринглар, мен оммани хурсанд қиладиган жанг кўрсата олишимга ишонаман”.