Майкл Пейж Нурсултон Рўзибоевга қарши жангдан кейинги фикрлари билан ўртоқлашди

У ҳамюртимиз Нурсултон Рўзибоевни очколар ҳисобига кўра мағлубиятга учратди ва бу унинг дунёнинг энг кучли лигасида ўтказган олтита жангидаги бешинчи ғалабаси бўлди. Бироқ, ижобий натижага қарамай, у ўз чиқишини унчалик яхши бўлмаганини тан олади ва жангларнинг томошабоп эмаслиги сабабли UFC у билан шартномани узайтирмаслигидан хавотирда.

"Ўзимни жуда яхши ҳис қиляпман, бу эса баъзида бор кучим билан ҳаракат қилмаганимни англатиши мумкин ва натижалар ҳам айнан шундай эканлигини тасдиқламоқда, — деди Пейж жангдан кейинги интервьюда. — Балки, мен кўпроқ куч сарфлашим ва бироз кўпроқ таваккал қилишим керак эди. Баъзида жуда тоза, жуда аниқ ҳаракат қилишни хоҳлайман... Октагонга чиққанимда, ўзимни тийиб тургандек ҳис қиламан. Бор кучим билан жанг қилишни истайман.

Ҳеч бир рақиб мен билан тенглаша олмайди. Аммо, бошқа томондан, кўпчилик мен билан жангда омон қолиши мумкин. Муаммо шунда, буни ўзгартириш керак. Фаолроқ бўлиш ва айтганимдек, бироз кўпроқ таваккал қилишим керак. Ҳатто бироз эмас, анча кўпроқ".