30 ноя 11:38
Янгиликлар

Бокс/ММА

Майкл Пейж UFC'даги дебют жангини Кевин Холландга қарши UFC 297 турнирида ўтказиши мумкин

Ярим ўрта вазн тоифасида британиялик аралаш якка кураш устаси, Bellator собиқ жангчиси Майкл Пейжнинг UFC'даги дебюти қачон бўлиб ўтиши маълум.

Бу ҳақда Full Send подкастида хабар берилди.

Маълум бўлишича, Пейж дебют жангини 2024 йил 21 январь куни Канаданинг Торонто шаҳрида ташкил этиладиган UFC 297 турнирида ўтказади. Унга америкалик Кевин Холланд рақиб бўлади.

Эслатиб ўтамиз, Майкл Пейж сўнгги жангини 2023 йил март ойида Bellator 292 турнири доирасида Гоити Ямаучига қарши ўтказиб, биринчи раунддаёқ нокаут эвазига ғалаба қозонган. Унинг ҳисобида 21 та ғалаба ва 2 та мағлубият бор.