05 дек 13:25
Янгиликлар

Футбол

Мбаппе Лига 1 тартиб-интизом қўмитасига ПСЖ ҳалигача ундан қарздорлигини айтди

"Radio France" хабарига кўра, Мбаппе Лига 1 Тартиб-интизом қўмитасига ПСЖ ҳамон унга 55 млн евро тўламагани ҳақида айтиб берди.

Форвард бунгача судда икки марта ютиб чиққанди. Қўмита клубни Мбаппега юқоридаги суммани тўлашга мажбурлай олмайди, бироқ парижликлар билан боғланиб, уларга нисбатан мумкин бўлган санкцияларни эслатиши керак бўлади.

Эслатиб ўтамиз, аввалроқ Франция профессионал футбол лигаси ПСЖга футболчига 55 млн евро тўлашни буюрган, бироқ клуб рад қилиб, иш юзасидан апелляция берган эди. Париж клубининг қарзи тўланмаган маош билан бир қаторда бонусларни ҳам ўз ичига олади.