Мбаппе ПСЖ билан шартномаси ҳақида гапирди

“Ҳозир мен бу ҳақда ўйлаяпман ва биз клуб билан музокара олиб бораяпмиз. Агар шартномани узайтирсам, демакки мен бу ерда узоқ қоламан. Бу ер мен учун яхши жой. Яқинда бу борада якуний қарорни қабул қилишга тўғри келади”, дея Мбаппенинг сўзларидан иқтибос келтирмоқда Get French Football News нашри ўзининг Твиттердаги саҳифасида.

Мбаппе 2017 йилдан буён ПСЖ шарафини ҳимоя қилиб келмоқда. Бунгача у “Монако”да тўп тепган. Ҳужумчи жорий мавсумда Франция чемпионатида 17 та учрашувда майдонга тушиб, 14 та гол урди ва 6 та голли узатмани амалга оширди. Шунингдек у ушбу мавсум ЕЧЛ беллашувларида ҳам икки бор рақиб дарвозасини ишғол этишнинг уддасидан чиққан.