09 дек 16:59
Янгиликлар

Футбол

Мбаппе укаси туфайли "Реал"га ўтишдан бош тортмоқчи бўлган

"Реал" ҳужумчиси Килиан Мбаппе укаси Этан туфайли "Реал"га трансферидан воз кечиши мумкин бўлгани ҳақида гапирди.

Июнь ойида Этан Мбаппе ҳам акасининг трансферидан кўп ўтмай, ПСЖни тарк этганди.

"У менга улар ноҳақлиги ва қолишни истамаслигини айтди. Ўшанда мен унга: "Агар сен қолишни маъқул кўрсанг, мен шартномамни узайтираман ва биз яна маълум вақт Парижда қоламиз", - дедим. Мен у учун Мадрид билан боғлиқ орзуларимдан воз кечардим. Ахир укангнинг фаолиятини бузиш эвазига дунёнинг энг яхши клубига ўтишдан нима наф?".

Эслатиб ўтамиз, Этан Мбаппе бугунги кунда "Лилль" футболчиси ҳисобланади. Жорий мавсум жароҳати туфайли кичик Мбаппе Франция чемпионатининг бор йўғи 3 та ўйинида иштирок эта олди.