МДҲ ўйинлари. Бугун жамоавий беллашувлар ўтказилади, Ўзбекистон 1/2 финалдан бошлайди

Унда 6 та терма жамоа медаллар учун татамига чиқади. 

Қуръа натижасига кўра, Ўзбекистон терма жамоаси тўғридан-тўғри ярим финалдан мусобақага қўшилади. Дзюдочиларимизнинг 1/2 финалдаги рақиби Россия - Беларусь учрашувидан сўнг маълум бўлади. Катта эҳтимол билан финал чиптаси учун мезбонларга қарши баҳс олиб борамиз. 

Кеча яккалик мусобақасида Россия терма жамоаси 8 та олтин, 9 та кумуш, 6 та бронза медали билан умумжамоа ҳисобида биринчи ўринни эгаллаган эди. Ўзбекистон эса 4 та олтин, 2 та кумуш, 6 та бронза, жами 12 та медаль билан иккинчи ўринни банд этганди.

Иккинчи чорак финал жуфтлигида Озарбайжон ва Қирғизистон терма жамоалари ўзаро тўқнаш келишади. Ушбу жуфтликда ғолиб чиққан терма жамоани ярим финалда Қозоғистон дзюдочилари қарши олади.