МДҲ ўйинлари. Медаллар жамғариш бўйича ҳолат қандай?

Бугун, 11 август куни спортчиларимиз баскетбол (3х3), бокс (қизлар), волейбол, футзал, сузиш, замонавий бешкураш, муайтай, чим устида хоккей бўйича мусобақаларда иштирок этадилар.

Ҳозиргача медаллар жамғариш бўйича Ўзбекистон делегацияси 9 та олтин, 13 та кумуш, 32 та бронза медали билан 22 иштирокчи давлат орасида умумжамоа ҳисобида 3-ўринни эгаллаб турибди. Россия терма жамоаси 89 та олтин, 55 та кумуш, 33 та бронза, жами 177 та медаль билан пешқадамликни давом эттирмоқда. Бу борада Беларусь терма жамоаси иккинчи. Мезбонлар 29 та олтин, 41 та кумуш, 76 та бронза медалларини қўлга киритиб улгуришди. 

Озарбайжон ва Арманистон терма жамоалари ҳам камида битта олтин медалга эга чиқишган. Қолган давлатларнинг эса ҳозирча Беларусь заминида мадҳияси янграмади. Қозоғистон, Туркманистон, Вьетнам, Қирғизистон, Тожикистон, Эрон, Миср ва Куба терма жамоалари камида битта бронза медалини қўлга киритишди. 

Ливан, БАА, Покистон, Мўғулистон, Баҳрайн, Малайзия, Қувайт, Ўмон ва Венесуэла терма жамоалари ҳали мусобақа медалларига эга чиқишмади.