МДҲ ўйинларидаги медалларимиз роппа-роса 80 тага етди + ЖАДВАЛ

Мусобақанинг олтинчи кунги баҳсларидан сўнг Ўзбекистон спорт делегацияси ҳисобидаги медаллар сони роппа-роса 80 тага етди. Шундан 21 таси олтин медаль, кумуш медаллар сони 29 та, бронзалар эса 30 тани ташкил этмоқда. Бугун дзюдочиларимиз делегациямиз ғазнасига 12 та (4 та олтин, 2 та кумуш, 6 та бронза) медаль тақдим этишди. Ўзбекистон спорт делегацияси умумжамоа ҳисобида ҳамон Россиядан сўнг иккинчи ўринни эгаллаб турибди.

Мезбонлар 95 та олтин, 32 та кумуш, 38 та бронза, жами 165 та медални қўлга киритиб улгуришган. Озарбайжон 13 та олтин, 10 та кумуш, 23 та бронза медали билан учинчи ўринни банд этган. Ўн иккита олтин, 32 та кумуш, 45 та бронза медалига эга Қозоғистон делегацияси тўртинчи поғонадан жой олган.