04 авг 12:37
Янгиликлар

Енгил атлетика

МДҲ ўйинларининг очилиш маросимидаги байроқдоримиз маълум

4-14 август кунлари Беларусь давлати Мустақил Давлатлар Ҳамсдўстлиги ўйинларига мезбонлик қилади.

Бугундан бошланган ва ўз тарихида иккинчи бор ташкил этилаётган мусобақада 22 давлатдан жами 2200 нафар спортчи медаллар учун баҳсларга киришади. Улар орасида Ўзбекистон терма жамоасининг 326 нафар спортчиси юртимиз шарафини ҳимоя қилади. Шунингдек, ўзбекистонлик 14 нафар ҳакам МДҲ ўйинларида иштирок этади.

Эртага "Минск Арена"да комплекс мусобақанининг тантанали очилиш маросими ўтказилади. МДҲ ўйинларининг ушбу тадбирида Ўзбекистон байроғини майдон узра олиб ўтишдек масъулиятли вазифа Муҳаммадазиз Носировга ишониб топширилди. Фарғоналик 14 ёшли спортчимиз енгил атлетиканинг босқон улоқтириш турида айтишга арзигулик натижаларга эришиб келмоқда.