Медаллари сонини 14 тага етказган Ўзбекистон паралимпиячилари умумжамоа ҳисобида нечанчи ўринда?

Кечаги кун дастурида ўзбекистонлик паралимпиячилар 1 тадан олтин, кумуш ва бронза медалларини қўлга киритишди. Бугунги кун олдидан Ўзбекистон спорт делегацияси 6 та олтин, 4 та кумуш, 4 та бронза медали билан умумжамоа ҳисобида 9-ўринни эгаллаб турибди. 

Хитой Республикаси 43 та олтин, 30 та кумуш, 14 та бронза, жами 87 та медаль билан рўйхатда катта устунлик билан пешқадамлик қиляпти. Чин юрти вакиллари кечаги баҳсларда 10 та олтин, 3 та кумуш, 6 та бронза медали қўлга киритишди. Йигирма тўққизта олтин, 15 та кумуш, 10 та бронза медалига эга Буюк Британия иккинчи ўринни эгаллаган. АҚШ спортчилари 13 та олтин, 19 та кумуш, 10 та бронза медали билан кучли учликка якун ясашган. Бразилия делегацияси 12 та олтин, 8 та кумуш, 18 та бронза медали тўртинчи поғонадан жой олган.  

Биздан аввалги ўринларни Франция, Австралия, Италия ва Нидерландия терма жамоалари банд этган. Топ-10`таликка якун ясаган Украина терма жамоаси 5 та олтин, 12 та кумуш, 18 та бронза медалига эга бўлиб турибди. Жами 48 давлат делегациялари ҳисобида камида 1 тадан олтин медаль бор. Камида 1 та бронза медалини қўлга киритган давлатлар сони 68 тага етди.