Медалларини 11 тага етказган Ўзбекистон паралимпиячилари умумжамоа ҳисобида нечанчи ўринда?

Хабар берганимиздек, кечаги кун ҳам ўзбекистонлик паралимпиячилар учун омадли келди. Бугунги кун олдидан Ўзбекистон спорт делегацияси 5 та олтин, 3 та кумуш, 3 та бронза медали билан умумжамоа ҳисобида 7-ўринни эгаллаб турибди. Бу билан биз Франциядан ўзиб кетдик. Кеча Франция 7-ўринни банд этганди. Паралимпия мезбонлари ҳисобида 3 та олтин, 6 та кумуш, 8 та бронза медали бор. 

Хитой Республикаси 20 та олтин, 15 та кумуш, 7 та бронза, жами 42 та медаль билан рўйхатда пешқадамлик қиляпти. Чин юрти вакиллари кечаги баҳсларда 8 та олтин медаль қўлга киритишди. Ўн битта олтин, 8 та кумуш, 6 та бронза медалига эга Буюк Британия иккинчи ўринни эгаллаб турган бўлса, Бразилия делегацияси 8 та олтин, 3 та кумуш, 12 та бронза медали билан кучли учликка якун ясаган.      

Биздан аввалги ўринлардан Нидерландия, АҚШ ва Австралия жой олган. Яшил қитъа спортчилари биздан битта бронза кўп олишган. Жами 36 давлат делегациялари ҳисобида камида 1 тадан олтин медаль бор. Камида 1 та бронза медалини қўлга киритган давлатлар сони 58 тага етди.