16 фев 09:14
Янгиликлар

Теннис

Медведев Марселдаги турнирнинг финалига чиқа олмади

Теглар : Даниил Медведев Хамад Межедович

Дунёнинг саккизинчи ракеткаси Даниил Медведев Франциянинг Марсель шаҳрида ўтказилаётган ATP 250 тоифасига кирувчи турнирнинг финал остонасида тўхтатилди.

Россиялик теннисчи кутилмаганда ATP рейтингида 96-поғонада бораётган Хамад Межедовичга 3/6, 2/6 ҳисобида ютқазиб қўйди. Сербиялик теннисчи фаолиятида илк бор Топ-10 рейтигидан ўрин олган рақибни мағлуб этди.

Бу ғалабаси эвазига у теннисчиларнинг ўзаро учрашувларидаги ҳисоб мувозанатини ҳам тиклашга муваффақ бўлди. Етмиш уч дақиқа давом этган 1/2 финал баҳсида Межедович 7, Медведев эса 2 та эйс зарбасини амалга оширди. Иккала теннисчи ҳам 3 тадан қўшхатога йўл қўйди. Брейклар бўйича устунлик табиийки, ғолиб теннисчи томонида бўлди - 5 га 2.