23 сен 09:28
Янгиликлар

Теннис

Медведев Метцда 284-ракеткага ютқазиб қўйди

Франциянинг Метц шаҳрида теннис бўйича ATP турнири давом этмоқда.

Дунёнинг тўртинчи ракеткаси Даниил Медведев кутилмаганда иккинчи давра учрашувида ютқазиб қўйди. Россиялик теннисчи ATP рейтингида 284-поғонадан жой олган швейцариялик Стэн Вавринкага 4/6, 7/6(7), 3/6 ҳисобида имкониятни бой берди.

Икки соату 24 дақиқа давом этган баҳсда Медведев 9, Вавринка 2 та эйс зарбани амалга оширган. Даниилнинг 12 та қўшхатоси унга қимматга тушди. Икки теннисчи ўртасидаги ўзаро учрашувлардаги ҳисоб мувозанати тикланди - 2:2.

Энди Стэн Вавринка Метц турнири 1/4 финалида швециялик Микаэль Имерга қарши кортга чиқади.