22 мар 10:52
Янгиликлар

Теннис

Медведев, Надаль, Алькараз Барселонага боради

17-23 апрель кунлари Испаниянинг Барселона шаҳрида теннис бўйича грунт қопламали ATP 500 тоифасидаги турнири бўлиб ўтади.

Ушбу мусобақада дунёнинг кўзга кўринган юлдуз теннисчилари иштирок этади. Дунёнинг биринчи ракеткаси Карлос Алькараз табиийки, турнирда ҳам биринчи рақам остида таснифланади. Айнан у Барселона турнирининг амалдаги чемпиони ҳисобланади.

Шунингдек, Топ-10 рейтингидан жой олган грециялик Стефанос Циципас, норвегиялик Каспер Рууд, россиялик Даниил Медведев ҳам Барселона турниридаги иштирокларини расман тасдиқлашган. Каталонияга ушбу мусобақанинг 12 карра ғолиби Рафаэль Надаль ҳам боради.