Медведев Пекин турнирининг 1/4 финалига йўл олди

Дунёнинг бешинчи ракеткаси Даниил Медведев мусобақанинг чорак финал иштирокчисига айланди. Россиялик теннисчи иккинчи даврада ATP рейтингида 44-ўринни эгаллаб турган франциялик Адриан Маннаринони мағлубиятга учратди - 7/6(6), 6/2.

Француз теннисчиси Даниил учун ноқулай рақиб ҳисобланади. Теннисчиларнинг ўзаро саккизинчи учрашувидан сўнг ҳисоб дуранг - 4:4! 101 дақиқа давом этган баҳсда Медведев 8, Маннарино 1 та эйс зарбасини амалга оширган. Даниил биринчи сетнинг тай-брейкида сетболдан чиқиб кетганини ҳам эътироф этиш керак. Энди у 1/4 финалда италиялик Флавио Коболлига қарши кортга чиқади.