04 июн 10:10
Янгиликлар

Теннис

Медведев "Ролан Гаррос"даги иштирокини тўхтатди

Дунёнинг бешинчи ракеткаси Даниил Медведев Франция Очиқ чемпионатининг 1/8 финалида мағлубият аламини тотиб кўрди.

Россиялик теннисчи "Катта Дубулға" туркумига кирувчи "Ролан Гаррос" турнирининг нимчорак финалида рейтингнинг 11-поғонасида бораётган австралиялик Алекс Де Минаурга имкониятни бой бериб қўйди - 6/4, 2/6, 1/6, 3/6.

Яшил қитъа вакили бу ғалабаси билан теннисчиларнинг ўзаро учрашувларидаги ҳисобни бироз бўлса-да, қисқартиришга эришди - 3:6. Икки соату 49 дақиқа давом этган баҳсда иккала теннисчи ҳам 7 тадан эйс зарбасини амалга оширишди. Қўшхатолар Минаурда биттага кўпроқ бўлди - 3 га 2. Брейклар бўйича устунлик ҳам табиийки, ғолиб теннисчи томонда - 2 га 7!