Медведев учун реванш олган Хачанов US Open 1/2 финалига чиқди

Жаҳоннинг 31-ракеткаси Карен Хачанов АҚШ Очиқ чемпионатининг чорак финалида Ник Киргиосни беш сетда мағлуб этди - 7/5, 4/6, 7/5, 6/7, 6/4.

26 ёшли россиялик теннисчи фаолиятида илк бор «Катта Дубулға» туркумига кирувчи турнирнинг ярим финалига чиқди. Бунга қадар у US Open'да учинчи даврадан нарига ўта олмаган.

Учрашув 3 соату 41 дақиқа давом этди. Теннисчиларнинг ўзаро учрашувларида Хачанов олдинга чиқиб олди - 2:1. 

Энди Хачанов US Open ярим финалида норвегиялик Каспер Руудга қарши баҳс олиб боради.

Нью-Йоркдаги муваффақиятли чиқиши орқали дунёнинг собиқ саккизинчи ракеткаси Каспер Рууд ўзига кучли 20 таликка қайтишни кафолатлади (ўтган йилнинг февраль ойидан бери биринчи марта).