Медведев Вена турнири бош соврини учун кортга чиқади

Дунёнинг учинчи ракеткаси Даниил Медведев ушбу мусобақанинг финалига йўл олди. Россиялик теннисчи 105 дақиқа давом этган 1/2 финал учрашувида ATP рейтингида еттинчи поғонадан жой олган грециялик Стефанос Циципасни 6/4, 7/6(6) ҳисобида мағлубиятга учратди. 

Теннисчиларнинг ўзаро учрашувларида Медведев 8:4 ҳисобида олдинда бормоқда. Даниил 5, Циципас 6 та эйс зарбасини ижро этган. Қўшхатолар иккала теннисчида ҳам иккитадан бўлди. Брейклар 1 га 0 кўринишда, россиялик теннисчи фойдасига.