Медведев Венада чемпионлик унвонини ҳимоя қила олмади

Дунёнинг учинчи ракеткаси Даниил Медведев ҳал қилувчи финал учрашувида рейтингнинг тўртинчи поғонасида бораётган италиянлик Янник Синнерга 6/7(4), 6/4, 3/6 ҳисобида ютқазиб қўйди. Айнан россиялик теннисчи мусобақанинг амалдаги ғолиби эди. Ўзаро учрашувларда эса ҳамон Медведев катта устунлик билан олдинда бормоқда - 6:2. 

Уч соату тўрт дақиқа давом этган финал баҳсида Медведевга 13 та эйс (Янникда 5 та) зарбаси ҳам ёрдам бермади. Даниил 8 та (Синнерда 0) қўшхатога йўл қўйди. Брейклар эса бир хилда - 4 тани ташкил этди. Учинчи сетнинг тўртинчи гейми 20 дақиқа давом этган. 

Бу италиялик теннисчининг жорий мавсумдаги тўртинчи соврини бўлди. Янник 500 рейтинг очкоси билан бирга 450,650 евро мукофот пулини ҳам қўлга киритди. Медведев эса 300 очко ва 242,480 евро ишлаб олди.