24 окт 18:13
Янгиликлар

Спорт курашлари

Меҳрож Баҳромов Жаҳон чемпионатида бронза медалини қўлга киритди. Юнон-рум курашчиларимиз умумжамоа ҳисобида бешинчи бўлишди

Сербиянинг Нови-Сад шаҳрида ўтказилаётган спорт курашлари бўйича U-23 ёш тоифасидаги Жаҳон чемпионатида терма жамоамиз яна бир медални қўлга киритди.

Кеча юнон-рум кураши бўйича -60 кг вазн тоифасида иштирок этган Меҳрож Баҳромов бронза медали билан тақдирланди. Спортчимиз учинчи ўрин учун баҳсда озарбайжонлик спортчидан устун келди.

Шу тариқа, юнон-рум кураши бўйича Ўзбекистон терма жамоаси мусобақани учта медаль қўлга киритган ҳолда умумжамоа ҳисобида 5-ўринда якунлади.

Совриндорлар:

Кумуш:

72 кг — Аброр Атабаев.

Бронза:

55 кг — Ҳожиакбар Қўчқоров

60 кг — Меҳрож Баҳромов.