Мексикада 10 та медал қўлга киритган атлетларимиз Ўзбекистонга қайтиб келишди + ФОТО

Мексикада бўлиб ўтган ўсмирлар ўртасидаги жаҳон чемпионатида иштирок этган 4 нафар оғир атлетикачимизнинг барчаси якунда совриндор бўлишди.

Ҳамюртларимизни Ислом Каримов номидаги Тошкент халқаро аэропортида Спортни ривожлантириш вазири ўринбосари Шаҳрулло Маҳмудов, Ўзбекистон оғир атлетика федерацияси масъуллари, ОАВ ходимлари ҳамда спортчиларнинг ота-оналари кутиб олишди.

Жаҳон чемпионатида Диёрбек Эрматов 2 та кумуш ва 1 та бронза, Нигора Сувонова 3 та кумуш, Қудратбек Салимжонов 3 та кумуш, Аброрбек Маъруфбеков эса 1 та бронза медалини қўлга киритди.

Шу тариқа, мазкур мусобақада ҳамюртларимизнинг иштироки ўз якунига етди. Унда 4 нафар спортчи билан қатнашган жамоамиз 8 та кумуш ва 2 та бронза медалларига сазовор бўлишди.