02 дек 09:30
Янгиликлар

Бокс/ММА

Мелиқўзиев Golden Boy томонидан "Йил нокаути"га лойиқ кўрилди

Golden Boy промоутерлик компанияси бир нечта номинацияларда якунланиб бораётган 2022 йилги бокс мавсумининг энг яхшиларини эълон қилди.

Эътиборга молик жиҳати шундаки, чарм қўлқоп устамиз Бектемир Мелиқўзиев компания томонидан "Йил нокаути" номинациясида ғолиб деб топилди.

Бектемир шу йил 20 март тонгида АҚШнинг Лос-Анжелесида ўтказилган проф бокс оқшомида перулик Давид Зегаррани иккинчи раундда техник нокаутга учратган эди. Ўшанда BEK рақибининг жигарига кучли зарба йўллаб, 10 раундга мўлжалланган жангни муддатидан аввал якунига етказганди.

"Бектемир ҳамиша ёрқин жанг кўрсатишга ҳаракат қилган. Биз ундан 2023 йилда илк чемпионлик жангини кутиб қоламиз. Бу Мелиқўзиев учун бошланиши", - дейилади Golden Boy промоутерлик компанияси табригида.