08 сен 09:30
Янгиликлар

Футбол

Мемфис Депай Нидерландия терма жамоаси тарихида энг яхши тўпурарга айланди

Нидерландия терма жамоаси ҳужумчиси Мемфис Депай янги рекорд ўрнатди ва миллий жамоа тарихида энг кўп гол урган футболчига айланди.

Тарихий воқеа 2026 йилги Жаҳон чемпионати саралаш баҳсидан ўрин олган Нидерландия – Литва учрашувида рўй берди. Ҳозирда Бразилиянинг “Коринтианс” клуби шарафини ҳимоя қилаётган Депай, ўйиннинг 11-дақиқасида Коди Гакпо берган аниқ узатмадан сўнг ҳисобни очди.

Бу гол Депай учун терма жамоа сафидаги 104-ўйинда урилган 51-голи бўлди. Ушбу натижа унга 102 та ўйинда 50 та гол урган Робин ван Персининг ютуғини ортда қолдириш имконини берди.