18 янв 13:01
Янгиликлар
Бокс/ММА
"Мен Эргашев билан 10 раундлик жанг ўтказгандим". Майкл Фокс Шоҳжаҳоннинг ғалабасига муносабат билдирди
Хабарингиз бор, профессионал боксчимиз Шоҳжаҳон Эргашев бугун АҚШда мексикалик Адриан Эстреллага қарши жанг қилди.
10 раундга мўлжалланган жанг Шоҳжаҳоннинг биринчи раунддаги нокаутли ғалабаси билан якунланди.
Америкалик боксчи Майкл Фокс эса ҳамюртимизнинг ғалабасига қуйидагича муносабат билдирди:
"Бу шоввозлар Эргашевга қарши бир раунд ҳам туриб бера олишмаяпти. Мен у билан 10 раундлик жанг ўтказгандим", - деб ёзиб қолдирган боксчи Твиттердаги саҳифасида.
Эслатиб ўтамиз, 2019 йилнинг 15 февраль куни Шоҳжаҳон Эргашев ва Майкл Фокс ўртасида жанг ўтказилган ва унда Эргашев 10 раундлик жанг якунига кўра очколар ҳисобида ғалаба қозонганди.
Ҳавола :
Манба : olamsport.com
Фикрлар