"Мен нима бўлаётганини аниқ биламан" — Дана Уайт ва Нганну келишмовчилиги

Фрэнсис Нганну PFL промоушенининг директорлар кенгашида муҳим роль ўйнайди, шунингдек у эндиликда PFL’нинг Африка бўлими раҳбари ҳам ҳисобланади. Маълумки, Нганнунинг ўзига ҳомийлар топишига рухсат берилган ва африкалик спортчининг жамоаси таркибидаги ҳар бир шахс 2 миллион доллардан олади. 

Фрэнсис ўз кучини боксда синаб кўрмоқчи бўлганлиги сабабли 2024 йилда PFL'да дебют қилиши кутилмоқда. 

UFC президенти Дана Уайт UFC Vegas 73 матбуот анжунмани чоғида бу янгиликка муносабат билдирди: "Келишув ҳақида билганларимга асосланиб гапирадиган бўлсам, менинг шарҳим бемаънидек туюлиши мумкин. Йигитга бир йил жанг қилмаслиги учун пул тўлайсиз ва орадан 14 ой ўтиб кетади. Охирги уч йилда у уч марта жанг қилган. Бу биз UFC’да қиладиган иш эмас. У билан ажрашган кунимиз нима бўлишини аниқ билардим. Нганну Жон Жонс билан бўлажак потенциал жангда таваккал қилишни истамайди".

Уайтнинг фикрларига қўшиласизми?