"Мен Ўзбекистонга боришга тайёр эдим" - Курбанов Мадримовга қарши чемпионлик жанги ҳақида гапирди

Аввалроқ, спортчилар жанг бўйича келишувга эришгани ҳақида хабарлар тарқалганди. 

"Мен ҳозир Америкадаман ва фақатгина шу жанг учун келганман. Ҳозир музокаралар бор, аммо аниқ манзил йўқ! Сўнгги маротаба промоутерим, RCC Boxing Promotions раҳбари бу жанг Россиядан ташқари бошқа жойда қизиқ эмаслигини айтганди. Мен Россияда жанг қилишдан фақат хурсанд бўламан. Мен айнан ушбу жанг амалга ошиши учунгина шу ердаман.

Энди яна бир савол: Мадримов у ерга боришга тайёрми? Ёки у бошқа вариант топмайдими? Мана масала қаерда. Мен Ўзбекистонга боришга тайёр эдим, қаерга бўлса ҳам боравераман, фақат энг асосийси - ўртада камар бўлса бўлди. Аммо Ўзбекистонга текинга бориш - бу боксчининг устидан кулишдир.

Ўзим айтадиган бўлсам, шахсан мен 3-4 ҳафтадан кейин ҳам жанг қилишга тайёрман. Анчадан бери машғулот лагери олиб боряпман, шунинг учун агар яқин орада жангни эълон қилиб қолишса ҳам мен тайёрман", - деди Курбанов.