Мендес: "Умар Нурмагомедов қўли синиб қолганини бизга айтмади"

"Агар у бизга қўли синиб қолганини айтганида, жанг тактикасини ўзгартирган бўлардик. Хабиб ва мен бутун режани ўзгартирган бўлардик, чунки Хабиб ажойиб мураббий ва бурчакдаги энг яхши маслаҳатчилардан бири. Аммо Умар бизни огоҳлантирмади. Бу унинг қанчалик жасур эканини кўрсатади.

Мен унга кўпроқ оёқ зарбалари ишлатишни ва масофани сақлашни маслаҳат берар эдим. У бу борада жуда яхши. Жанг вақтида Умар бошини пастга тушира бошлаётганини сездим, шунда Мераб жуда кучли экани тушундим. Лекин у қўли синганини билмадим. У буни айтгани йўқ", – деди Мендес MMAJunkie нашрига.

Эслатиб ўтамиз, жанг тўлиқ беш раунд давом этди ва унда Мераб Двалишвили ҳакамлар қарори билан ғалаба қозонди. Бу Умар учун фаолиятидаги илк мағлубият бўлди.