Менежер: "Уайлдер Усик – Жошуа жанги ғолиби билан тўқнаш келади"

Финкель америкалик боксчини Дерек Чисора билан жанг қизиқтирмаслигини, бунинг ўрнига у Александр Усик - Энтони Жошуа реванш жанги ғолибига қарши рингга кўтарилмоқчи эканлигини айтди.

"Дерек Чисора? Ҳеч қачон. Балки Усик ва Жошуа ўртасидаги реванш жанги ғолиби навбатдаги рақиб бўлар. Жанг натижасини кутишимиз керак.

Агар Фьюри Усик - Жошуа жанги ғолибига қарши рингга чиқишни истаса, бу албатта содир бўлади. Аммо, кейин унга ким рақиблик қилади?  Ҳозирда супероғир вазн тоифасида тўртта ҳақиқий гегемон боксчи бор. Булар Усик, Жошуа, Фьюри ва Деонтей.

Ҳозир биз кўплаб вариантларни кўриб чиқяпмиз. Бироқ қарор қабул қилингани йўқ", — деди Финкель.

Эслатиб ўтамиз, Усик ва Жошуа ўртасидаги реванш жанги 20 август куни Саудия Арабистонининг Жидда шаҳрида бўлиб ўтади.