24 май 14:43
Янгиликлар
Бокс/ММА
Мэнни Пакьяо: "Мейвезер реваншдан қўрқмоқда"
Ярим ўрта вазн тоифасида WBA Regular чемпиони Мэнни Пакьяо яна бир бор мағлубият нималигини билмаган америкалик Флойд Мейвезер билан жанг қилиш истагини билдирди.
Бу боксчиларнинг илк жангида Мейвезер очколар ҳисобига кўра ғалаба қозонган эди. Сенатор Пакьяо Флойдни реванш жангидан қўрқаётганликда айблади.
“Мен учун Флойд билан иккинчи жангимизнинг ўтказилиши муҳим. Мухлислар ҳалигача ўша жангда ким ғалаба қозонганди, деган саволга жавоб топа олишмаяпти. Шахсан мен жангда ғалаба қозонгандим, деб ҳисоблайман. Ҳакамлар ноҳақ қарор чиқаришганди.
Барча шубҳа-гумонларни четга суриб ташлаш учун реванш жанги ўтказилиши шарт. Нега Флойд реваншга рози бўлмаяпти? Менимча, у ютқазиб қўйишдан қўрқяпти. Ўйлайманки, бир кун келиб Мейвезер бу жангга розилик беришда ўзида куч топа олади”, - деди Пакьяо.
Ҳавола :
Манба : Boxing News 24
Фикрлар