21 авг 12:41
Янгиликлар

Бокс/ММА

Мераб Двалишвили О`Мэллига қарши чемпионлик жангига уч ҳафта қолганда жароҳат олди + ФОТО

Грузиялик аралаш яккакураш устаси Мераб Двалишвили 15 сентябрь тонгида UFC чемпиони Шон О`Мэллига қарши октагонга чиқиши керак.

Мераб жангига уч ҳафта қолган бир пайтда машғулот чоғида жароҳат орттириб олди. Унинг қоши ёрилиб кетган. Двалишвили Лас-Вегас шаҳридаги муҳташам "Сфера" аренада ташкил этиладиган UFC 306 турнирида америкалик чемпион Шон О`Мэллига қарши жанг ўтказади.

Ҳозирча жароҳатнинг қанчалик жиддий экани, нечта чок тушиши, бу ҳолат жангнинг қолдирилишига сабаб бўладими ёки йўқ, бу ҳақда маълумотлар айтилмаяпти.