Мераб Двалишвилининг рақиби маълум бўлди + ПОСТЕР

Яқинда Мераб айрим UFC жангчилари сингари Real American Freestyle профессионал кураш лигаси билан шартнома имзолаганди. Унинг кураш лигасидаги дебюти 30 май куни АҚШнинг Даллас шаҳрида бўлиб ўтадиган RAF 9 турнирида амалга ошади. Шу куни у яна бир собиқ UFC жангчисига қарши баҳс олиб боради. Бу ҳақда ташкилот вакиллари расман маълум қилишди.

Аслида Мераб Двалишвили 18 апрель куни Филадельфияда бўлиб ўтадиган RAF 8 турнирида икки вазнда собиқ UFC чемпиони Генри Сехудо билан учрашиши керак эди, бироқ тадбирдан бир неча соат олдин Генрининг жароҳати туфайли ушбу қарама-қаршилик бекор қилинганди.

Маълумот учун, UFC`даги фаолиятидан олдин Фрэнки Эдгар Кларион университети учун муваффақиятли курашган ва тўрт марта АҚШ миллий чемпионатига йўлланма ҳам олганди. ММАга ўтгандан сўнг, Эдгар Нью-Жерсидаги ўз зали билан алоқани давом эттирди. Бундан ташқари, Эдгар Рутгерс университетининг кураш залида мунтазам равишда машғулот ўтказди, шунингдек, 2024 йилги Олимпия ўйинларининг бронза медали совриндори Себастян Риверани тайёрлашга ёрдам берди.

RAF 9 турнирининг асосий воқеаси Олимпия чемпиони Гейбл Стивсон ва молдовалик оғир вазн тоифасидаги аралаш яккакураш устаси Александр Романов ўртасидаги тўқнашув бўлади.