09 апр 08:24
Янгиликлар
Ўқ отиш
Мерганларимиз “Олтин мерган” мусобақасида шохсупага кўтарилишди
Қозоғистонда пневматик қуролдан ўқ отиш бўйича “Олтин мерган” халқаро турнири бўлиб ўтди.
Халқаро турнирнинг учинчи куни мерганлар кичик калибрли милтиқдан ўқ отиш бўйича бор маҳоратларини ишга солишди. Қизғин курашларга бой бўлган МВ9 машқларида (бунда спортчилар 50 метр масофада ётган ҳолда нишонга ўқ узишади) ғолиблик учун кураш кутилганидек Ўзбекистон ва Қозоғистон спортчилари ўртасида кечди.
Эркаклар ўртасидаги шахсий биринчилик учун бўлган баҳсларда қозоғистонлик Илья Федин 624,4 очко билан олтин медални расмийлаштирди. Ҳамюртимиз Роман Голощапов эса 623,5 очко билан кумуш медалга сазовор бўлди.
Аёллар ўртасидаги мусобақаларда эса ҳамюртимиз Сакина Мамедова энг яхши натижани қўлга киритди. У 620,8 очко тўплаб барча рақобатчиларини ортда қолдиришга эришди.
Ҳавола :
Манба : olamsport.com
Фикрлар