24 окт 12:42
Янгиликлар

Ўқ отиш

Мерганларимиз халқаро турнирдан медаллар билан қайтишди

Қозоғистонда халқаро тоифадаги спорт устаси Владимир Почивалов хотирасига бағишлаб спортнинг ўқ отиш туридан анъанавий халқаро турнир бўлиб ўтди.

Бу ҳақда Тошкент вилояти жисмоний тарбия ва спорт бошқармаси хабар бермоқда. Мусобақада иштирок этган Тошкент вилояти жисмоний тарбия ва спорт бошқармаси тасарруфидаги вилоят якка кураш спорт турлари бўйича ихтисослаштирилган болалар-ўсмирлар спорт мактаби спортчилари кучли учликдан жой олишган.

Мусобақа якуний натижаларига кўра, катталар ўртасида Бекзод Раҳматуллаев иккинчи ўрин билан кумуш медални қўлга киритган бўлса, ёшлар ўртасидаги беллашувда иштирок этган Ойбек Асилов фахрли биринчи ўринни эгаллаб, олтин медаль билан тақдирланди.