11 сен 22:49
Янгиликлар

Футбол

Месси "Боруссия"га қарши ўйинда ҳам иштирок этмаслиги мумкин

"Барселона" ҳужумчиси Лео Мессининг оёғидан олган жароҳати тузалиши қийинлашмоқда.

"Goal" хабарига кўра, футболчининг Примеро доирасида "Валенсия"га қарши ўйинда қатнашмаслиги аниқ бўлган. Шунингдек, унинг ЕЧЛ доирасида "Боруссия" билан баҳсда майдонга тушмаслиги кутилмоқда.

"Кўршапалаклар" билан баҳс 14 сентябрь куни ўтказилса, 17 сентябрь куни "арилар"га қарши ўйин бўлиб ўтади.

Месси август ойининг ўрталарида жароҳатланганди. Аввалига унинг бир неча ҳафтада сафга қайтиши айтилганди. Бироқ у бир ойдан ошиқроқ вақт давомида лазаретда қолиб кетмоқда.