Месси ЖЧ-2026 да иштирок этиш ҳақидаги саволга жавоб қайтарди

- Билмайман, лекин ёш сабаб у ерга бориш қийинлигини доимо айтиб келганман. Футбол ўйнашни яхши кўраман, менга қилаётган ишим ёқади. Ҳозирча формадаман ва ўзимни яхши ҳис қиляпман. Бундан завқ олишда давом этаман. Аммо кейинги жаҳон чемпионатигача ҳали узоқ вақт бор. 

- Скалони сиз учун 10-рақамни ушлаб турибди. Францияга қарши ўйин ЖЧлардаги охиргиси бўлиши ҳақида гапиргандингиз. Демак, 2026 йил учун ЖЧ эшикларини очиқ қолдирамизми? 

- Айтяпманку... Воқеалар ривожидан илдамлаб кетмоқчи эмасман. Аммо яна қайтараман, бу ёшда қийин бўлади. Лекин барчаси фаолиятим қандай давом этишига боғлиқ. 

Яқинда 36 га тўламан ва карьерам қайси томон кетаётганини ўйлаб кўраман. Шундан кейин қарор қабул қиламан. Буларга кўп нарса боғлиқ", - деди Лионель Месси.