Мейвезер Асакурага қарши кўргазмали жангдан қанча пул ишлаб олишини айтди

Америкалик афсона ушбу жанг учун тахминан 20 миллион доллар ишлаб олади.

"Бир дақиқада бир неча миллион. Фақат шу жанг учун 15-20 миллион доллар ишлаб оламан. Бу ажойиб, шундай эмасми? Тўққиз дақиқа, 20 миллион, ёмон эмас!

Кўргазма жанглари менга кўпроқ саёҳат қилиш имконини беради. Кўплаб жойларга саёҳат қилганман, лекин ҳозир мен бутун дунё бўйлаб одамларга хурсандчилик улашяпман.

Японияда ҳақиқий жанг ўтказа олмадим. Лекин уларга шоу ўтказишим ёқади. Бу уларга эски Мейвезерни кўриш учун кичик имконият. Бу ажойиб албатта. Кўргазмали жангларда катта пул топаман. Лекин айтганимдек, ҳеч қандай ҳақоратга тоқат қила олмайман.

Агар улар бирон-бир тан жароҳати етказса, бутунлай кетишимга тўғри келади. Ўзимни қаттиқ калтакланган ёки жазони қабул қиладиган ҳолатга солиб қўймайман. Зарба бермагунимча, намойиш этишда ва завқланишда давом этаман", - деди Мейвезер.

Эслатиб ўтамиз, Асакура билан жанг 25 сентябрь куни бўлиб ўтади. Мейвезер учун бу профессионал фаолиятини якунлаганидан кейинги тўртинчи кўргазмали жанг ҳисобланади.