08 июн 11:38
Янгиликлар

Бокс/ММА, Қизиқарли!

Мейвезер бир ҳафтада умумий баҳоси 1 млн долларлик 9 та "тойчоқ" сотиб олди

Бокс афсоналаридан бири, бешта вазнда собиқ жаҳон чемпиони Флойд Мейвезер дунё аҳлини ҳайратга солишда давом этмоқда.

Америкалик боксчи сўнгги бир ҳафта ичида 9 та автомобиль харид қилди ва бунга 1 миллион доллар сарфлади. Бу маълумотни Лас-Вегасдаги автосалон эгаси ҳам тасдиқлади. Флойд бу машиналарни ўзи, оила аъзолари ва яқинлари учун сотиб олган.

Аниқроғи, Мейвезер иккита Rolls-Royce Ghost, Mercedes S560, Maybach, Dodge Journey, Dodge Charger ва учта Dodge Challenger маркали машиналарни харид қилган. Умумий ҳисобда у ўтган йиллар давомида ушбу автосалондан жами 157 та машина сотиб олган. Улардан энг кўпи Rolls-Royce — 29 та!

Флойд Мейвезер автомобиллар коллекциясига жуда ҳам қизиқади. Унинг гаражида люкс маркали автомобиллар - Ferrari, Bugatti, Lamborghin ва Rolls-Royce кўпчиликни ташкил этади.