05 мар 09:04
Янгиликлар

Бокс/ММА

Мейвезер - Тайсон жанги апрель ойида ўтказилмайди

Америкалик журналист Дэн Рафаэлнинг айтишича, 59 ёшли Майк Тайсон ва 49 яшар Флойд Мейвезер ўртасида 25 апрель куни бўлиб ўтиши режалаштирилган жанг кўрсатилган санада ўтказилмайди.

"25 апрель куни Конго Демократик Республикасида бўлиб ўтадиган Майк Тайсон ва кичик Флойд Мейвезер ўртасидаги жанг ҳақида кўп гапирилди, аммо томонларнинг режаларидан хабардор манбага кўра, бу жанг айнан шу санада ўтказилмаслиги аниқ.

Жанг кечроқ муддатга кўчирилади. Ушбу баҳс Конгода ўтказилиши айтилган бўлса-да, лекин бу хабар ҳам ҳали 100 фоиз расмий тасдиғини топгани йўқ", - деб ёзди Рафаэль ижтимоий тармоқдаги саҳифасида.

Эслатиб ўтамиз, Флойд Мейвезер рингга қайтганидан сўнг 2026 йилда учта жанг ўтказишни режалаштирганди: Майк Тайсон, грециялик кикбоксчи Майк Замбидис ва филиппинлик афсона Мэнни Пакьяо билан.