28 мар 10:11
Янгиликлар

Теннис

Miami Open. Елена Остапенкони тўхтатишди

АҚШнинг Майами шаҳрида аёл теннисчилар ўртасидаги нуфузли турнир давом этмоқда.

Дунёнинг 22-ракеткаси, латвиялик Елена Остапенко 1/8 финал учрашувида рейтингда ўзидан икки поғона қуйида бораётган италиялик Мартина Тревизанга ютқазиб қўйди - 3/6, 3/6.

Тўқсон бир дақиқа давом этган баҳсда Остапенко 3, Тревизан эса 1 та эйс зарбасини амалга оширган. Қўшхатолар Еленада 2 та бўлди, Мартина эса бу борада хатога йўл қўймади. Бу теннисчиларнинг ўзаро ўтказган илк учрашуви сифатида тарихга кирди.