Микель Артета: "Чемпионлик учун кураш тугамади. Биз чемпион бўлишимиз мумкин"

"Канонирлар" узоқ вақт АПЛда катта фарқ билан етакчилик қилиб турган бўлса-да, энди "Ман Сити"дан атиги 3 очко олдинда, шунингдек Гвардиола жамоасининг бир ўйин захираси бор.

"Чемпионлик учун кураш тугадими? Йўқ, бизда 5 та ўйин қолди, уларда — 6 та. Бизда ҳали ҳам уч очкалик устунлик бор. Олдинда яна кўп ўйинлар бор.

Мен бугун ҳам ишонаман, чопшанба куни ҳам ишонаман, бир ҳафта олдин ҳам ишонганман, чунки ўйинчиларимни ҳар куни кўряпман. Мен бизнинг даражамизни биламан. Ҳали ҳамма нарса олдинда, биз буни қанчалик қаттиқ хоҳлаётганимизни биламиз. Биз тўхтамаймиз. Биз чемпионликни ютишга қодир эканлигимизга тўлиқ ишонамиз. Биз буни аллақачон исботлаганмиз.

Бугун биз яна бир бор қандай жамоа эканлигимизни кўрсатдик. Ҳамма нарса бизнинг қўлимизда ва чемпионликни қўлга киритиш мумкин", — деди Артета.