18 окт 08:50
Янгиликлар
Футбол
“Милан” ўтган асрдаги иккита рекордни такрорлади
Италия А сериясининг 4-турида “Интер” ўз майдонида “Милан” билан куч синашиб, 1:2 ҳисобида имкониятни бой берди.
Ушбу ғалабадан кейин Стефано Пиоли бошчилигидаги “Милан” ўтган асрда ўрнатилган бир йўла иккита рекордни такрорлашга эришди, дея хабар бермоқда Opta.
1973 йилги мавсумдан буён илк бор “Милан” чемпионат ўйинларида қаторасига 24 та учрашувда мағлуб бўлмади. Шунингдек, 1995/96 йилги мавсумдан буён илк бор қизил-қоралар Италия А сериясининг дастлабки тўрт турида ғалаба нашидасини суришди. Ўша йилларда “Милан” Фабио Капелло қўли остида шундай статистикани қайд этганди.
“Милан” айни пайтда 12 очко тўплаб, Италия А сериясида пешқадамлик қилмоқда. “Интер” эса 7 очко билан 6-поғонани эгаллаб турибди.
Ҳавола :
Манба : Opta Sports
Фикрлар