Миллий олимпия қўмитаси матбуот хизматини табриклаймиз

Ахборот ва оммавий коммуникациялар агентлиги томонидан республика даражасидаги давлат ва хўжалик бошқаруви органлари ахборот хизматари раҳбарларининг фаолияти самарадорлиги ўрганилди ва баҳоланди.

Ўрганиш давомида ахборот хизмати раҳбари фаолиятининг иш ҳажми, иш фаолияти сифати ва иш самарадорлиги асосий мезон қилиб олинди.

Таҳлилий натижаларга кўра, 2019 йил декабр ойига қадар ахборот хизмати раҳбари лавозимига расман тасдиқланиб, фаолият юритиб келган 90 нафар матбуот котибларидан 8 нафарининг иш натижалари юқори, 37 нафарники ўрта, 40 нафарники қониқарли, 5 нафарнинг фаолияти паст даражада дея баҳоланди.

Иш натижалари юқори, деб баҳоланган матбуот котиблари:

1. Севара Закирова - Адлия вазирлиги ҳузуридаги Давлат хизматлари агентлиги;
2. Севара Ўринбаева - Адлия вазирлиги;
3. Нурбек Саломов - Давлат божхона қўмитаси;
4. Барно Унгбоева - “Ўзбеккино” миллий агентлиги;
5. Зафар Имомхўжаев - Ўзбекистон Миллий олимпия қўмитаси;

Шунингдек, ушбу вазирлик ва идоралар давлат органи фаолияти ҳақидаги ахборотнинг расмий веб-сайт, мобил мессенжерлар ва ижтимоий тармоқлар билан бирга, хорижий оммавий ахборот воситаларида кенг ёритишда ҳам етакчилик қилди.