Мингбулоқда белбоғли кураш бўйича Ўзбекистон чемпионати ўтказилди + ФОТО

Ўзбекистон Республикаси Спортни ривожлантириш вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур мамлакат чемпионати баҳсларида Қорақалпоғистон Республикаси, Тошкент шаҳри ва вилоятлардан 400 нафарга яқин полвонлар иштирок этишди.

Юқори савияда ташкил этилган ушбу чемпионатда эркаклар белбоғли курашнинг эркин ва классик йўналишларида 8 тадан вазн тоифасида, хотин-қизлар эса эркин йўналишда 5 та вазн тоифасида ғолиблик учун кураш тушишди. Қўйдаги спортчилар эса ўз вазн тоифаларида мамлакат чемпионлигини қўлга киритишди. 

Эркаклар (белбоғли йўналиш)

57 кг. Нодирбек Абдумаликов (Фарғона). 62 кг. Шохруҳ Зокиров (Тошкент в.). 68 кг. Ойбек Султонов (Андижон). 75 кг. Нусратбек Султонбоев (Андижон). 82 кг. Ҳусниддин Рўзиев (Андижон). 90 кг. Шохжаҳон Ортиқов (Тошкент в.). 100 кг. Нодирбек Аҳатжонов (Тошкент ш.). +100 кг. Бахтиёр Жумабоев (Сирдарё).

Аёллар (белбоғли курашнинг эркин йўналиши)

52 кг. Фотима Турсунбоева (Наманган). 58 кг. Бийбигаохар Полатбаева (Тошкент в.). 66 кг. Уллижон Давлетова (Хоразм). 76 кг. Фелура Эргашева (Қашқадарё). +76 кг. Рахима Йўлдошева (Хоразм).

Эркаклар (эркин йўналиш)

57 кг. Ҳусанбой Носиров (Андижон). 62 кг. Жаҳонгир Ҳайитов (Наманган). 68 кг.Анваржон Қутбиддинов (Наманган). 75кг. Холмирза Ҳасанбоев (Тошкент в.). 82 кг. Оғабек Аматбоев (ЎзДЖТСУ). 90 кг. Ойбек Муҳаммедов (Фарғона). 100 кг. Обидали Мавлонов (Фарғона). +100 кг. Ислом Носиров (Сирдарё).

Ғолиб ва совриндорлар диплом, медаль ва эсдалик совғалари билан тақдирланишди. Шу ўринда таъкидлаш лозим, ушбу мусобақада ғолибликни қўлга киритган спортчилар сентябрь ойида белбоғли кураш бўйича Наманган шаҳрида бўлиб ўтадиган  жаҳон чемпионатида иштирок этиш йўлланмасига эга бўлишди.

Илҳом РАҲМОНОВ тайёрлади