Миочич Жон Жонс ва Сирил Ган ўртасидаги жанг учун ўз тахминини билдирди

"Қизиқарли жанг, чунки бу ерда уч йилдан бери кўринмаган Жонс бор. У бу вақт ичида шуғулланди. Айтишларича, у тезликни сақлаб қолган, аммо бу бошқа вазн тоифаси, фарқ ҳам катта. Ўзингизга тез ҳаракат қилаётгандек туюлаверади, лекин ундай эмас. Сен вазн қўшиб, янада тезкор бўлишинг мумкин эмас. 

Сирил яхши жангчи, у Жонсдан ёмон зарба бермайди. Ажойиб зарба техникаси ва ҳаракати бор. Ган Нганну билан беш раунд урушди, лекин бу ерда Жонсга ҳам кўп нарса боғлик. Мен кўпроқ Ган томондаман, Жонс уч йил жанг қилмаган пайтда у фаол бўлди. Оғир вазнда эса барчаси бошқача", - деди Миочич.