UZ

Сўнгги янгиликлар

18:17Сауль Альварес Мексика боксининг ўзидан кейинги суперюлдузи ким бўлишини айтди 0 17:56Ўзбекистон ўсмирлар терма жамоасида руминиялик мутахассис иш бошлади 0 17:35Оскар Де Ла Хойя Ортис - Спенс жангини ташкил қилмоқчи 0 17:14"Манчестер Юнайтед" Де Хеани қайтармоқчи 0 16:53Султонов Барлетта "Челленжер" турнирида 19 ёшли йигитга ютқазди 0 16:32Эшитдик-да! Флойд Мейвезер май ойида Тошкентга келади 0 16:11Сергей Фомин Анталия турнирида 1/4 финалга чиқди 0 15:50Перес "Реал" мураббийлигига Хаби Алонсо эмас, бошқа бир испанияликни олиб келмоқчи 0 15:29Нэшвиллдаги турнирнинг асосий жанги тасдиқланди 0 15:08Шон О'Мэлли Мераб Двалишвили билан жанг анонсига муносабат билдирди 0 14:47Теренс Кроуфорд: "Канело — бокснинг юзи!" 0 14:26Кечаги учрашувда Ҳусанов нега қайдномадан ҳам жой олмагани очиқланди 0 14:05"Хабиб Махачевни Топурияга қарши жангдан тийиб турибди" - Сехудо 0 13:44МОҚ Бош котиби IFMA вице-президенти билан учрашув ўтказди 0 13:23"Нганну билан жанг - шунчаки вақт масаласи" - Уайлдер 0

12 апр 07:04
Янгиликлар

Бокс/ММА

Мир Бокса: "Аҳмадалиев зарбалар аниқлиги бўйича Тапалесдан устун бўлган"

Россиянинг "Мир Бокса" компанияси Муроджон Аҳмадалиевнинг мағлубиятига муносабат билдирди.

Иккинчи енгил вазн тоифасида собиқ WBA ва IBF чемпиони Муроджон Аҳмадалиев якшанба тонгида филиппинлик Марлон Тапалесга қарши жанг ўтказиб, ҳакамлар қарори билан мағлуб бўлган эди.

"Мир Бокса" промоутерлик компанияси Муроджоннинг мағлубиятига муносабат билдирар экан, Аҳмадалиев жангда зарбалар аниқлиги бўйича етакчилик қилганини эътироф этди.

"CompuBox статистикасига кўра, Аҳмадалиев 9 апрель куни бўлиб ўтган WBA ва IBF йўналишлари бўйича иккинчи енгил вазн тоифасидаги чемпионлик жангида аниқ зарбалар сони ва ҳужум самарадорлиги бўйича рақиби Тапалесни ортда қолдирган. Аммо ушбу баҳс Марлоннинг 115:113 ҳисобларидаги ғалабаси билан якунланган.

Жангнинг 12-раундига келиб, WBA/IBF чемпионлик камарларини тўртинчи бор ҳимоя қилаётган Аҳмадалиев рақибига 147 та аниқ зарба берган бўлса, Тапалес ўзининг 121 та аниқ зарбаси билан жавоб қайтарган эди.

IBF чемпионлиги учун даъвогар бўлган филиппинлик Муроджонга қараганда кўпроқ ва аниқроқ жеб зарбалари йўллаган - 53 га 37 та, аммо ўзбек боксчисининг зарбаларидаги аниқлик ва куч сезиларли даражада бўлган - 110 га 68!

Аҳмадалиев ҳужум ҳаракатлари самарадорлиги бўйича ҳам рақибини ортда қолдирди. Муроджон учун аниқ зарбаларнинг умумий улуши 24,2%, Тапалес учун эса - 17,2%. Зарбалар кучи бўйича бу кўрсаткич Ахмадалиев учун 41,7%, филиппинлик учун 25,7% ни ташкил этди.

Раундлар бўйича алоҳида кўриб чиқиладиган бўлса, Аҳмадалиев 12 раунддан олтитасида, Тапалес эса бештасида рақибига қараганда аниқроқ зарба берди. Раундларнинг бирида аниқ зарбаларда паритет кузатилган бўлса, шу билан бирга тўрт раундда ҳам рақиблар ўртасидаги аниқ зарбалар сонидаги фарқ 2-3 та зарбани ташкил қилди. 

Шу раундларнинг иккитасида Аҳмадалиев, қолган иккитасида эса Тапалес зарбаларини бироз аниқроқ амалга оширди", - дейилади ташкилот хабарида.

Рейтинг: +2   

Фикрлар

   
12 апр 16:48:49
Ozod Achilov
Нима бўлганда ҳам ҳаммаси ортда қолди. Энди хеч нарса ўзгармайди. Муроджон ўз устида кўпроқ ишлаб 4та камарни ҳам ўзиники қила олади. Унда потенциал бор. Бир машхур дзюдочимиз айтган эди: Ўзбек спортчилари халқаро аренада рақибдан яққол устунлик қилмаса ғалабани беришмайди, хатто кичик устунлик ҳам ғалабани таминламайди деган эди. Бу гаплар исботини Муроджонни жанггида кўрдик.
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг