01 окт 11:29
Янгиликлар

Бокс/ММА

Миразизбек Мирзахалилов Кремлёвга мурожаат қилди, IBA президенти унга жавоб қайтарди

Озарбайжон пойтахти Боку шаҳрида ўтказилган "IBA Чемпионлар оқшоми" турнирининг марказий жанги Миразизбек Мирзахалилов иштирокида ўтган эди.

57 кг вазн тоифаси IBA чемпионлик камари учун кечган 10 раундлик жангда россиялик Всеволод Шумков ҳакамларнинг якдил қарори билан очколар ҳисобига кўра ғалаба қозонганди.

Ҳаваскорлар ўртасида жаҳон чемпиони ҳисобланган Миразизбек ўзининг ижтимоий тармоқдаги саҳифасида натижа юзасидан эътироз билдириб, Умар Кремлёвга реванш жангини ташкил этиб бериш бўйича мурожаат қилди. Ўша постнинг изоҳ қисмида IBA президенти тезда Мирзахалиловга жавоб қайтарди.

"Баҳсли жанг, албатта реванш жангини ўтказамиз. Бу муҳокама қилинмайдиган мавзу", - дея жавоб ёзган Кремлёв.