Миржалол Қосимов яна терма жамоада ишлаши мумкин

Унда ЎФФ вакиллари лига мураббийларидан терма жамоага номзод футболчилар борасида суҳбат олиб борганлар. Ҳар бир мураббий легионерларни қўшиб ўз таркибларини тақдим этишлари керак бўлган.

Айни пайтда терма жамоамизга хориждан мураббий изланмоқда. Катта эҳтимол билан у топилган ва шартнома борасида музокара кетаётган бўлиши керак.

Энг сўнгги маълумотларга кўра Миржалол Қосимовга олимпия терма жамоаси топширилиши мумкин. "Бунёдкор" эса олимпия терма жамоасининг базаси сифатида шакллантирилади.

Токио-2020да Олимпия терма жамоасининг иштирок этишини таъминлаш йўлида ПФЛга 2018 йилги мавсумда ҳар бир олий лига жамоаси сафида 1997 йилда таваллуд топган футболчи (21 ёш) тушиши шарт қилиб қўйилиши ҳакида таклифлар берилаяпти. Мазкур таклифни сайтимиз ҳам бир неча маротаба мақола кўринишида бериб борган.

Шунингдек, куни кеча Чиғатой ўқув йиғин машғулотлари базасида фаолият юритган гуруҳ аъзолари ўз вазифасидан озод этилган. Чиғатой базаси ҳам янгидан реконструкция қилиниш учун ёпилиш эҳтимоли мавжуд.

Эслатиб ўтамиз, узоқ танаффусдан сўнг 2008 йил Ўзбекистон ёшлар терма жамоасини Осиё чемпионатида муваффақиятли тўп тепиши ва финал йўлланмасини қўлга киритишида, 18-19 ёшли футболчиларни "Шайхонтохур" клуби сафида биринчи лигада иштирок этгани фойда берган эди.