Модрич Аргентина – Хорватия учрашуви ҳакамини танқид қилди

Хорватия терма жамоаси ярим ҳимоячиси Лука Модрич ЖЧ-2022 ярим финалида Аргентинага қарши кечган ўйиндан сўнг (0:3) бош ҳакам Даниэле Орсатони танқид остига олди.

"Аргентина ўйинда ҳаққоний равишда ғалаба қозонди. Улар яхшироқ эди ва бу ғалабага ҳақли эди. Аммо яна бир нарсани айтиб ўтиш керак, гарчи мен буни одатда қилмайман. 

Мен ҳакамлар ҳақида гапиришни ёқтирмайман, лекин Орсато энг ёмонларидан бири. У ҳақида унчалик яхши хотираларим йўқ, бу шунчаки фалокат", – деди футболчи.

Хорватия ярим финалдаги мағлубиятдан сўнг Франция – Марокаш жуфтлигида мағлуб бўлган жамоа билан 3-ўрин учун майдонга тушади.