Мокаев тиззасидан жиддий жароҳат олгани маълум бўлди. Унга операция керак бўлади

Асли доғистонлик, Буюк Британия номидан UFC'да жанг қилувчи Муҳаммад Мокаев бразилиялик Жафел Фильо билан жангида орттириб олган жароҳати ҳақида гапирди.

"Мен МRТ қилдирдим, тўғрисини айтсам, тиззам оғрияпти. Улар АCL (олдинги ўзаро боғламнинг ёрилиши) деб айтишди. Кимдир оёғим лат еганини айтса, яна кимдир ундай эмаслигини айтди.

Шишиш тўхтагач, мен яна МRT қилдираман. Шундай қилиб, улар айтганидек, менга операция керак, мен олти ҳафтадан саккиз ҳафтагача реабилитациядан ўтаман. Ва июль-август ойларида ишда бўламан", - деди Мокаев Matveev | MMA & Boxing нашрига берган интервьюсида.